अब आफ्नै लुगाले चार्ज गर्नेछ मोबाइल फोन आफुले
बोकेको मोबाइलमा जब ब्याट्री सकिन
लागेको संकेत बज्दछ तब जतिसुकै
राम्रो तथा फिचरवाला स्मार्टफोन
भएपनि त्यो निकम्मा जस्तै लाग्नथाल्छ । चार्जिङ
गर्ने ठाउँ र बिजुली भएमा चार्ज गर्न दौडिहालिन्छ
र नभएमा स्विच अफ गरेर राख्नुको विकल्प छैन ।
लामो यात्रा, लोडसेडिङ तथा मोबाइलको धेरै
प्रयोग गर्नुपर्ने अवस्थामा ब्याट्री सकिने समस्याले
अझै आपत् पार्छ । जति चलाएपछि हप्तौँ सम्म
ब्याट्रीको चार्ज
टिकोस् तथा घाममा देखाउँदा आफै मोबाइल चार्ज
होस् भन्ने कल्पना गरिन्छ कहिलेकाहीँ ।
तर त्यो कल्पना मै सिमित हुन्छ र मोबाइल चार्ज
सकिएर अफ भइदिन्छ ।
बढि फिचरवाला स्मार्टफोनको दबदबा तर
ब्याट्रीको आयु कम हुँदा उपभोक्तालाई
भएको हैरानीलाई ध्यानमा राखेर वैज्ञानिकहरुले
विभिन्न खाले अनुसन्धानहरु गरिरहेका छन् ।
यहीँ मेलोमा यस्तो प्रविधिको विकाश हुँदैछ
जसबाट तपाइँले लगाएको कपडाले नै तपाइँले
बोकेको मोबाइल चार्ज गरिदिनेछ अनि तपाइँ
मोबाइल चार्ज गर्नका लागि कतै धाइरहनु पर्नेछैन ।
अमेरिका र चीनमा भएका छुट्टाछुट्टै अनुसन्धानले
यस्तो प्रविधिको विकाश गर्न सकिने देखाएको छ ।
जस अनुसार सरीरमा लगाउने कपडामा राखिने
सोलार प्यानलका माध्यमबाट स्मार्टफोन मात्र
होइन जिपिएस तथा ट्याब्लेट समेत चार्ज गर्न सकिनेछ
। सोलार ड्रेसेज फोटोभोल्टाइक सेल भनिने
यो प्रविधिले यस्तो उपकरणको रुपमा काम गर्छ जसले
ग्याजेटलाई सजिलैसँग चार्ज गर्न सकिन्छ ।
यो फोटोभोल्टाइक ब्याट्रीको निर्माण
सिलिकन जस्तै अर्धसुचालक पदार्थबाट बनाइएको हुन्छ
। यो प्रविधिले सूर्यको किरण जब फोटोभोल्टाइक
ब्याट्रीमा पर्छ
तब त्यसबाट प्राप्त उर्जालाई सेमीकण्डक्टर सम्म
पूराउनेे काम गर्छ ।
सेमीकण्डक्टरमा रहेका इलेक्ट्रोनहरुको सम्पर्कमा आएसँगै
उक्त सौर्यउर्जा विद्युतमा परिणत हुन्छ ।
अमेरिकाको लस एन्जल्समा रहेको सिल्भर लाइनिङ
नामक कम्पनीले केही समय पहिले नै सौर्य
ब्याट्री प्रविधिमा आधारित आफ्ना पहिरनहरु
बजारमा ल्याइसकेको छ । त्यसमा स्टाइलिस ज्याकेट
तथा प्यान्ट लगायतका छन् । यी कपडामा किताब
जस्तै आकारको सौर्य उर्जा प्यानलको निकै
कलात्मक ढंगले प्रयोग गरिएको छ ।
यी कपडामा आइफोन लगायतका स्मार्टफोन चार्ज
गर्ने सुविधा समेत उपलब्ध छ ।
कम्पनीका अनुसार यी कपडाहरु
त्यस्ता मानिसहरुका लागि उपयोगी छन् जो कुनै न
कुनै कामका लागि घर वा कार्यालयबाट
टाढा रहन्छन् ।
यद्यपि यो प्रविधिका विषयमा केही आशंकाहरु भने
नरहेका होइनन् । सोलार कपडामा विद्युत प्रवाह
गर्नका लागि लामो समयसम्म घाममा बस्नु आवश्यक
हुन्छ । लामो समय चर्को घाममा बस्दा अन्य खाले
समस्या उत्पन्न हुने डर हुन्छ ।
र अर्को कुरा यस्ता कपडामा विद्युत उर्जा संग्रह
गर्ने वा स्टोर गर्ने सुविधा पनि हुँदैन जसले
घाममा बसुन्जेल मात्र मोबाइल चार्ज हुन्छ र घामबाट
टाढा भएपनि कपडाको सोलारले काम गर्दैछ ।
सुरुवाती अवस्थामा यो प्रविधि जडित कपडाहरु
निकै महंगो भएकाले उपभोक्ताको रोजाइमा पर्न
सकेका छैनन् र ती कपडाहरु विश्वव्यापी पनि बन्न
सकेका छैनन् । त्यसैले यो प्रविधिलाई सस्तो बनाउनु
समेत चुनौतिको रुपमा रहेको छ ।
0 comments:
Post a Comment