काठमाडौं । एमाओवादी नेतृत्वको विपक्षी गठवन्धनले आउँदो चैत २४ देखि २६ सम्म तीन दिने आम हडताल आव्हान
गरेको छ । गठवन्धनले त्यसपूर्व
प्रवेशिका परीक्षा सकिनासाथ चैत १९ गते
आमहडताल आव्हान गरेको छ ।
गठवन्धनले चैत ११ गते मन्त्रिमण्डलका सदस्यहरुलाई
अवरोध कार्यक्रम घोषणा गरेको छ भने १४ गते
देशभरिका सदरमुकाममा लाठी जुलुस निकाल्ने छ ।
त्यसैगरी चैत १६, १७ र १८ गते सदरमुकामका सबै
कार्यालयहरुमा घेराउ गर्नेछ । त्यसैगरी २० देखि २३
गतेसम्म देशभरिका सरकारी कार्यालय बन्द गरिने
घोषणा रहेको छ ।
विपक्षी गठवन्धनको अर्काे कार्यक्रम
हो लाठी जुलुस । चैत १५ गते
जिल्ला सदरमुकामहरुमा लाठी जुलुस गरिने छ । चैत २४
गते सुरु हुने आम हडतालको अघिल्लो साँझ २३ गते मसाल
जुलुस गरिने छ ।
चैत २० देखि १३ सम्मको सरकारी कार्यालय
वन्दको कार्यक्रममा नाकावन्दी गर्ने पनि उल्लेख
रहेको छ तर कहाँ र कसलाई नाकावन्दी गर्ने भन्ने उल्लेख
रहेको छैन । सो अवधीमा राजश्व र कर उठाउन
रोक्का गर्ने पनि भनिएको छ ।
गठवन्धनको आज अपरान्ह तीन घन्टा बसेको बैठकमा सबै
दलका मुख्य नेतालाई बोल्न दिइएको थियो ।
बैठकमा फोरम नेपालका उपेन्द्र यादव सहित
केही साना दलका नेताले चैत २४ देखि हुने आम
हडतालमा असहमति जनाउँदै हडताललाई
अनिश्चितकालीन बनाउनुपर्ने धारणा राखेका थिए
।
बैठकमा एमाओवादी अध्यक्ष तथा गठवन्धनका संयोजक
प्रचण्डले आमहडताललाई अनिश्चितकालीन बनाए
जनताले प्रतिकार गर्ने विचार राखेका थिए । फोरम
लोकतान्त्रिकका अध्यक्ष विजय गच्छदार
पनि अनिश्चितकालीन
आमहडतालको विपक्षमा राय दिएका थिए । बैठक
स्रोतका अनुसार प्रचण्डले भने, ‘तीन दिन भन्दा धेरै
बन्द लम्ब्याउन सकिन्न, अनिश्चितकालीन
भनियो भने पहिलो दिनदेखि नै प्रतिकार सुरु हुन्छ ।
त्यसैले तीन दिन मात्र गरौं ।’
प्रचण्डले यस्तो धारणा राखेपछि तीन दिने
बन्दमा सहमति भएको थियो ।
0 comments:
Post a Comment