'मधेसको माग पुरा नगरी नाकाबन्दी खोल्ने कुरा असम्भव'
काठमाडौं, २३ कात्तिक । भारतले
नाकाबन्दी हटाउने संकेत देखाएपछि
संयुक्त लोकतान्त्रिक मधेसी मोर्चाको
आन्दोलन धरापमा पर्ने देखिएको छ ।
भारतकै सहयोगमा मधेसमा तीन
महिनादेखि आन्दोलन गरिरहँदा नैतिक
दबाबका कारण आफूले गरेको नाकाबन्दी
भारतले हटाउन लाग्दा मधेस आन्दोलन
धरापमा परेको हो । यसैबीच सोमबार
मात्रै सरकारले औपचारिक रुपमै
भारतलाई नाकाबन्दी खोल्न आग्रह
गरेको छ । जसले नाकाबन्दी हटाउन
भारतलाई थप दबाब तथा बल पुग्ने
देखिन्छ । सम्भवतः यसै महिनाभित्र
नाकाबन्दी खुल्ने प्रधानमन्त्री केपी
शर्मा ओलीले समेत जनाइसकेका छन् ।
यसरी नाकाबन्दी हट्ने सम्भावना
बोलियो बन्दै गइरहेका बेला मधेसी मोर्चाका एक नेताले भने विरोध गरेका छन् । सद्भावना पार्टीका अध्यक्ष राजेन्द्र
महतोले मधेस आन्दोलन तुहिने गरेर नाकाबन्दी फिर्ता हुने देखिएपछि विज्ञप्ति निकालेर विरोध गरेका छन् ।
सोमबार साँझ एक विज्ञप्ति जारी गर्दै उनले सरकाले नाकाबन्दी खोल्न सरकारले भारतसँग गरेको आग्रहप्रति आपत्ति
जनाएका हुन् । उनले नाकाबन्दीको ४६ औं दिन भइसक्दा पनि सरकारले त्यसलाई भारतले नाकाबन्दी गरेको भन्दै मधेस
आन्दोलनको बदनाम गरेको आरोप लगाएका छन् ।
मधेसी मोर्चाले गरेको नाकाबन्दीलाई भारतसँग जोडेर हेरेको भन्दै उनले विरोध गरेका हुन् । मधेसको माग पुरा नगरी
नाकाबन्दी खोल्ने कुरा सम्भव नभएको उनले दाबी गरेका छन् ।
0 comments:
Post a Comment